Hopi exitoso Vacunathon pa hobennan entre 12 pa 17 aña

ORANJESTAD (AAN) – Diasabra cu a pasa, den Centro Deportivo Betico Croes, na Santa Cruz, a tuma lugar e vacunacion di hobennan entre 12 pa 17 aña di edad, desde 9 or di mainta te 4'or di atardi.

            Ya pa 10 or tabata tin un rij largo di mayor, wardando tambe pa nan yiunan por a haya e prome dosis di e vacuna di Pfizer.

            Esaki ta nifica cu e accion di vacunacion aki a bay hopi bon.

            DIARIO tabata tey pa observa y saca potret y a keda hopi contento mirando e interes bao e hobennan y nan mayornan.

            Un bon ehemplo di solidaridad y civismo di nos hubentud, pa yuda baha e contagio y aumenta e inmunidad den nos pais. Masha pabien!