Hobennan haciendo control riba salud di Heintje Ras

ORANJESTAD (AAN): Tur dia esaki ta socede bao di tera, den e Mina di Fosfaat.  Nan ta baha cu varios tester pa check sucu, y tambe ta pone e cuff rond di su braza pa check presion di sanger.

   Riba e potret aki por mira e grupo di voluntario cu a baha cu nan flashlight pa asina haci e test riba Heintje Ras, kende ta haciendo e hazaña di keda 100 dia bao di tera pa asina trata na recauda fondo pa asina purba haci e Mega Museo di Antiguedad pa Aruba bira realidad.

   DIARIO tabata den e Mina di Fosfaat na momento cu a haci control di salud, y hasta check contenido di sodium den su curpa.

   E mesun grupo di voluntario aki lo bay yuda e fin di siman aki cu algun Tours di ciudadanonan interesa pa bay mira e bida di Heintje bao tera.

   Te ainda tur cos y control di salud ta saliendo bon.  Y e animo di Heintje ta formidable.  E ta contento cu su dos yiunan a probecha di vakantie di October, pa asina a keda par di dia eybao cune.

   Nan tin un bateria grandi eybao cu ta usa pa charge diferente flashlight.

   Si bo kier haci donacion, bo por haci esaki na Cuenta RBC Bank #77000001000257292.