Hobencita Zahirah Mohammed corona como ‘Little Sister’

ORANJESTAD (AAN): Diasabra anochi riba cayanan di Promenade na San Nicolas durante actividad di Beachwear Glam Fantasy,

a presenta un momento cu a corona un mucha muher pa e titulo di “Miss Youth Aruba 2024 Little Sister”.

    E titulo aki a bay pa Zahirah Mohammed, un mucha muher di 10 aña di edad kende ta bishitando St. Paulusschool na San Nicolas.

   El a wordo instala y corona door di Amelia Elskamp (actual Miss Youth Aruba 2023) hunto cu Mary-Jane Kransen (Miss Teen Mundial Aruba 2024).

   Zahirah ta un mucha muher spierto, y henter anochi el a yuda e comision ta haciendo entrega di premio na e ganadornan.