Heintje Ras a logra Record Mundial di 100 dia bao tera

ORANJESTAD (AAN): Dialuna atardi, pa 5'or,  un multitud a acudi na e salida di e mina di fosfaat na Seroe Colorado, San Nicolas

pa asina warda riba e salida di Heintje Ras, kende a kibra e record mundial despues di a permanece eynan 100 dia.

Heintje a keda den e mina 100 dia y asina bati e record mundial y asina recauda fondo pa yega na e meta di  construi un Mega Museo.

Mester menciona cu ya caba pa dia 70 bao tera Heintje a kibra e record mundial, pero el a keda eynan te na completa 100 dia.

Yiunan. famia, amigo, conocirnan y su team di sostenedornan  a bira hopi emociona ora cu Heintje a sali for di scuridad cu su bril di solo bisti y pa despues zwaai cu orguyo e bandera di Aruba.

Esaki sigur ta un hazaña masha bunita cu tabata tin como meta final un bon causa. Masha pabien!

Awor Aruba su nomber lo resona den e 'Guinness World Records' cu e tremendo hazaña aki.