Habitantenan ta urgi Gobierno pa paga e candela y stop huma di Dump

Stichting Parkietenbos ta pidi auxilio!

ORANJESTAD (AAN): Di diadomingo mainta habitantenan di barionan di Simeon Antonio, Parkietenbos y Wayaca kehando di e huma di Dump cu a drenta e barionan. Tin hendenan cu a sinti malo y mester a bandona e bario cu nan famia.

Stichting Parketienbos ta urgi Gobierno awor y tuma e pasonan necesario pa paga e candela cu ta causando cu huma ta drentando tur cas den e barionan menciona y cu ta yega cu holo malo te Oranjestad. Auxilio!, Auxilio!, esaki ta violando e derecho humano di hala rosea di aire limpi, ta ora pa cera y sanea e Dump, ta basta!

E potretnan cu Stichting Parkietenbos a manda ta saca diadomingo mainta, na momento cu e huma toxico tabata afecta e barionan. E habitantenan di barionan aki ta esnan mas afecta na Aruba, debi na e constante kimamento, siman pasa tabata e candela di tirenan cu a dura dos dia.