Grandinan Walishali di Santa Cruz a celebra nan di dies aña di existencia

Jeanette de Palm y Candy Croes ta conta un tiki historia:

ORANJESTAD (AAN) – Matutino DIARIO tabatin un entrevista cu señora Jeanette de Palm, un di e lidernan di e grupo di grandinan Walishali, cual ta celebrando e aña aki su di dies aña di existencia.        Walishali ta un grupo cu a lanta na Santa Cruz y su actividadnan ta tuma lugar den Centro Curazon. E ta un grupo di maximo 58 miembro cu ta reuni tur luna, un bez pa luna, y nan ta bin hunto participa den actividadnan, y Jeanette a comenta cu e ta un grupo cu ta keda fiel.

Jeanette a indica cu nan ta organiza tur tipo di organiza pa e grandinan aki. Tin biaha tin lectura, obra di man, wega, entre hopi mas. Cada bes ta un programa diferente.

            Señora Candy Croes, kende a cuminza cu e grupo, a sigui na palabra, y a relata con Grupo Walishali a cuminza. Eigenlijk, el a nace di un idea di e parokia pa nan cuminza haci algo pa hendenan grandi.

            “Tabata tin un anochi di encuentro cu algun hende grandi y e idea a bin dilanti, y asina aki nos a cuminza cu un grupo di 20-pa 25 persona, y despues cada hende tabata trece nan hendenan, te cu aworaki nos tin 58 miembro, pero e lugar no ta carga mas.

            “Ora ami a purba haya un poco mas hende pa bira lider, pasobra tur luna nos ta bin un biaha si, pero e programanan mester wordo hinca den otro. Nos ta haci hopi obra di man, nos ta haci musica, movecion, pues tur luna ta algo diferente. Naturalmente, nos ta celebra tur e fiestanan cu tin na Aruba, nos tin nos reina di carnaval, nos prins, nos Dia di Aruba. Dus, nos tin dies aña largo nos ta purba di entretene nos hendenan grandi 60 plus, pero nos hende di 80 y 92 aña, y asina nos ta purba haci algo pa nos adultonan mayor di Santa Cruz”, señora Candy Croes a relata.

            Grupo Walishali tin palabranan di gradicimento pa Gloria Aruba y P.F. Chang's Aruba.