Giselle Department Store a celebra e di 35 aniversario di Sharina

Deta Tromp a bay cu pensioen tambe

ORANJESTAD (AAN): E pacus di pueblo cu pa hopi decada ta gozando di confiansa total di pueblo, y ta sigui haya su clientenan ta sigui ripiti nan bishita, esta Giselle Department Store na Noord, tabatin un momento di celebra y duna honor.

   Dia 22 di Februari, nan empleada Sharina Figaroa a corda e hecho cu 35 aña pasa el a drenta den servicio di Giselle Department Store.

   Tambe a observa e momento cu nan tan stima empleada Deta Tromp ta bahando cu pensioen.

   E honor pa esaki a tuma lugar cu nan colega- y famia na Holiday Inn Aruba.  Sharina ta funcionando aworaki como nan Head Cashier.

   Deta mes a cuminsa traha cu Giselle Department Store, desde cu nan a habri e portanan y ta contento cu e por a traha 44 aña y mey cu e compania.  Awor e ta bay goza di su merecido pensioen.

   Staf di Giselle Department Store ta desea Sharina hopi aña mas cu Giselle y cu Deta disfruta di su pensioen.