ORANJESTAD (AAN): E siman aki DIARIO a haya sa di e fayecimento di Mason Doubleday Colby, kende Dia luna a fayece cu 90 aña di edad rondona pa su famia.
El a nace na Montclair (New Jersey) dia 13 di Februari 1932, y tabata e yiu mas chikito di Whitney Coffin Colby y Elizabeth Murphy Colby.
El a pasa su niñez na Montclair, pero como mucha chikito, el a bin biba pa 5 aña na Aruba, unda su tata Whitney a labora durante Segundo Guera Mundial.
Pesey casi tur biaha bo ta haya Mason ta conta su famia, e storianan di su aventuranan na Aruba, y durante henter su bida el a keda mantene contacto cu algun di e amigonan aki pa hopi tempo.
Despues di Aruba el a bay bek Merca, y a gradua na Cornell University, cu un Master’s den Mechanical Engineering, y a participa den Ehercito Mericnao tambe. Na 1955 el a casa cu Patricia Jerome, y di e matrimonio aki a nace 3 yiu muher.
El a bay traha despues pa 35 aña largo pa e compania multinacional di Procter & Gamble cu puestonan di e.o. Plant Manager te na Human Resource Manager.
Ora el a baha cu pensiun, hunto cu su casa nan a viaha extensamente den henter Merca y den exterior.
Famianan ainda no a anuncia un fecha pa tene un despedida oficial di dje.
