El a bishita Aruba na 2019
Mundo ta lamenta perdida di un bos historico
ORANJESTAD (AAN): Dia 3 di januari a keda confirma e noticia di fayecimento na London di Eva Geiringer miho conoci como Eva Schloss, sobreviviente di Holocausto, yiu di criansa di Otto Frank, tata di Margot y Anne Frank.
E noticia a provoca reaccion inmediato den medionan di comunicacion internacional, resaltando su papel fundamental como sobreviviente di Auschwitz y su legado pa humanidad.
Eva Schloss a bishita Aruba na 2019. Su presencia a inspira tur esnan cu por a topa cu ne. Durante e bishita, el a conta su testimonio personal riba e horornan di Holocausto, insistiendo riba e importancia di educacion, tolerancia y e obligacion moral pa preveni odio.
Como sobreviviente, Eva Schloss a dedica su bida na promove balornan di tolerancia, respet y humanidad, specialmente entre hobennan. Su esfuerso educativo a gana reconocimento mundial y tras su fayecimento, hopi medio internacional a subraya su contribucion invaluabel na memoria historico y consenshi social.
E legado cu Eva Schloss a laga, tanto globalmente como na Aruba, lo keda bibo den memoria di tur esnan cu a scucha su historia y a wordo inspira pa su valentia y determinacion.
{gallery}Eva Schloss, ruman di criansa di Anne Frank a fayece{/gallery}
