Maritsa Chiquito di DIP:
ORANJESTAD (AAN): Un otro informacion importante cu señora Maritsa Chiquito di Directie Infrastructuur en Planning (DIP) a comparti den un entrevista reciente cu DIARIO ta trata e precariovergunning. El a enfatisa cu tur ciudadano cu ricibi un precario vergunning ta keda 100 porciento responsabel pa tur loke ta pasa riba e tereno, aunke e persona mes no ta presente na momento cu e hecho ocuri.
Segun señora Chiquito, si cualkier tipo di daño ser causa riba e tereno pa famia, conoci, amigonan of terceronan, e titular di e precariovergunning lo keda completemente responsabel pa e consecuencia. El a subraya cu e responsabilidad aki no ta transferi na otronan cu ta causa daño.
Ademas, Chiquito a recorda cu despues di Carnaval, manera stipula den e condicionnan di e vergunning, e persona responsabel mester cumpli cu su obligacionnan y laga e luga completemente limpi, y den mesun estado cu el a ricibi e tereno, cu a un luga publico.
