Escultor Ciro Abath a traha e Busto di Papa San Juan Pablo II

ORANJESTAD (AAN) – Dialuna pa 7 or di anochi, riba e plaza dilanti di Misa San Francisco,

Pro Catedral, a tuma lugar e desvelo di e Escultura di Papa San Juan Pablo II, cu a wordo traha door di Escultor, Ciro Abath.

Den un entrevista cortico cu DIARIO, Abath a splica cu el a wordo acerca pa traha e busto di Papa San Juan Pablo II, a base di su experiencia cu diferente obra, manera e Plaza Padu, entre otro.

Den e obra di e busto di Papa Juan Pablo II e escultor a integra matanan di kwihi y e Papa ta carga e Misa den su man, y alavez ta refleha su entraña y su sentimento, cu ta duna proteccion na e fundeshi, pues aspectonan combina cu otro.