Esaki ta e programa di Carnaval 73 cu lo bay ta hopi trempan e biaha aki

ORANJESTAD (AAN) Den fin di siman na momento cu a introduci Rusette Croes como president nobo di SMAC,

tabata e president saliente Darren van Ommeren kende a presenta varios documento di e.o. relatonan anual di directivanan anterior, y tambe un plan di siguridad cu nan tabata trahando riba dje cu diferente stakeholders.

   Pero mirando e hecho cu Carnaval 73 di aña 2027 lo bay ta hopi trempan mes, pues Parada Grandi mes ta dia 7 di Februari 2027, e directiva anterior a haci e gesto di traha e plan di Programa di Carnaval pa asina tur cos ta cla.

   Tur cos lo start dia 11 di November venidero, cu ta cu e parti protocolario, cu ta pa 10:30’or di mainta na sede di ATA riba Henny Eman Boulevard.  Despues di esaki anochi dia 11 di November lo tin Caiso & Soca pre-finals, cu ta sigui dia 12 di November tambe.  Dia 13 di November lo tin Calypso Showdown. Riba 14 di November lo tin Eleccion di Prins cu Pancho.

   Riba 20 di November lo tin Festival di Tumba Infantil Juvenil.  Dia 21 di November cu ta diasabra lo tin Calypso y Road March Contest Infantil Hubenil.  Despues di esey lo no tin nada di Carnaval mas.

   Lo regresa Diasabra 9 di Januari cu Parada di Fakkel, pues Flambeu. Y asina ey lo continua.  Dia 15 di Januari tin Eleccion di Reina Infantil y Reina Hubenil.  Dia 16 di Januari, Festival di Tumba su di 55 edicion.

   Dia 17 di Januari lo tin Parada di Fantasia na San Nicolas.  Dia 21 di Januari tin Eleccion Reina Grandi #73 y eleccion Señora Carnaval #31, y esey lo ta riba un Diahuebs.  Dia 22 di Januari tin Parada Escolar na Playa di Scolnan Basico.  Diasabra 23 di Januari tin Parada di Mucha Noord, cu ta celebrando nan 60 edicion.

   Dia 23 di Januari lo tin e Caiso & Soca su final.  Traspaso di Mando lo ta Diadomingo dia 24 di Januari, esaki tambe ta cu un horario nobo, esta di 9:00 am pa 10:00 am.  Mesun dia tin Parada di Mucha di Oranjestad.

   Dia 29 di Januari tin Parada Escolar, scolnan secundario, Oranjestad y San Nicolas.  Anochi di dia 29 di Januari tin e Parada di Mascarada na Savaneta.  E mesun anochi di dia 29 tin Kiwanis su Masquerade Party.

   Diasabra marduga dia 30 di Januari, pa 3:00 am di madruga na San Nicolas ta start cu Jouvert Morning Parade.   Diasabra anochi dia 30 lo tin Lighting Parade na Oranjestad.   Diadomingo 31 di Januari tin Parada di Mucha na San Nicolas, sigui na final pa Kimamento di Momo.

   Diahuebs 4 di Februari lo tin Parada di Luz na San Nicolas.  Diabierna 5 di Februari tin evento di Caya Paden.  Diasabra 6 di Februari tin Parada Grandi di Carnaval 73 na San Nicolas. Diadomingio 7 di Februari tin e Gran Parada di Carnaval 73 na Oranjestad.  E mesun anochi ey lo kima Rey Momo na Harbour Arena.