ORANJESTAD (AAN): Pa prome biaha, ELMAR ta participa na FRED Job Fair & Conference riba diasabra 18 di oktober 2025 na WTC Rotterdam, for di 11'or di mainta te cu 6'or di atardi.
ELMAR ta invita tur profesional y studiante cu ta biba na Hulanda pa bin pasa na nan booth #36 y conoce mas tocante nan compania, nan cultura di trabou, y e oportunidadnan cu ELMAR tin pa ofrece na Aruba.
ELMAR ta presente na FRED pa conecta cu nos talentonan local y regional cu ta desea pa bolbe bek na cas of ta interesa den un carera innovativo den e area di energia, tecnologia y servicio. ELMAR ta e proveedor di energia na Aruba y ta conmemorando 75 aña na 2025, pa mas informacion tocante ELMAR, bishita www.elmar.aw.
Bin papia cu nan team, descubri e posibilidadnan, y topa cu ELMAR na FRED Expo. Nan ta spera bo diasabra na WTC Rotterdam!
Si bo conoce un profesional of studiante na Hulanda, comparti e noticia aki cu nan, pa nan tambe por tuma e oportunidad pa topa cu ELMAR na FRED! Pa mas informacion riba FRED Job Fair & Conference, bishita www.fredexpo.com.
