Dia di Estudio pa docentenan di EPB Oranjestad a efoca riba ‘cuido propio’

ORANJESTAD (AAN): E bienestar di docentenan y e team completo di EPB Oranjestad ta importante.

   Scuchando e deseonan di e docentenan, recien EPB a organisa un dia di estudio cu a adapta pa por cumpli cu nan necesidad. Aki a bin cu e tema "Self Care" na unda a trece conocemento nobo via di di informacion, combina cu actividadnan practico relaciona cu arte, relahacion y creatividad.

   E dia di estudio a wordo organisa dor di BUZO pa e team completo di EPB Oranjestad.  Nan kier yama danki na Sueli Kelly, kende ta Psicologo na EPB Oranjestad.  Tambe danki na Shirley Wever docente di arte, Shanti di Shanti Aruba, Teachers Care di MDC, y Belquis Moreu pa a yuda nan realisa e dia aki exitosamente.