ORANJESTAD (AAN) — Rino Hermans, Hefe di Bureau Rampenbestrijding Aruba (BRA)y Task Force, den su informacion pa pueblo en cuanto medidanan cu establecimentonan comercial mester cumpli cu ne, pa haci fiesta di Fin di Aña,
a duna di conoce tambe cu varios compania a solicita e permiso pa haci esaki.
Un cantidad di 319 por a 'ontheffing' (dispensacion), pero solamente 36 a haya esaki door cu nan ta cumpli cu tur e exigencianan, y tabata tin un par extra, manera cu e trahador tin cu bisti tapaboca pero e bishitantenan no.
El a agrega cu ora nan a caba di entrega tur e formularionan, BRA a bay wak e rapportnan di Task Force, y tur e negoshinan cu durante e periodo aki tabata haya advertencia a cera, no a haya aprobacion pa permiso, pasobra nan a mustra cu nan disciplina no tabata tey, ya cu nan no a cumpli durante henter un aña caba, y nan no ta wordo confia cu un riesgo calcula aworaki, pasobra di antemano por asumi cu nan no ta bay cumpli.
