Despues di 8 luna e barco Zr.Ms. Holland a regresa bek Hulanda

ORANJESTAD (AAN): Caribe Hulandes ta bay haya un otro ‘Stationschip’.  Esey ta loke Ministerio di Defensa a confirma e siman aki.

   Tabata Dialuna cu e barco Zr.Ms. Holland a yega bek Hulanda.  El a haci esey despues di a nabega pa un periodo exitoso di 8 luna den Caribe.

   Nan a yuda den captura di 6.600 kilo di droga, y a detene 27 persona cu a wordo pasa despues pa personal di US Coast Guard.  Esaki a socede djis den e ultimo cuartal di 2021.

   Riba Diamars, e barco Zr.Ms. Friesland a sali for di waf di Den Helder rumbo pa Caribe pa asina funciona como Stationschip.

   E barco ey mester a sali for di 3 di Januari 2022 caba, pero esaki a wordo cancela.  DIARIO a compronde cu esey a socede debi cu varios miembro di tripulacion tabata contagia cu Coronavirus.  Tambe tabatin dificultad tecnico cu e barco.  Pero despues tur cos a wordo regla.