Denise de Jongh a lanza su buki nobo pa mucha ‘No Kere Mes’

ORANJESTAD (AAN): Riba Diabierna 31 di October a tuma luga na ATHA, presentacion di un buki nobo na Papiamento pa muchanan di Aruba.

Titulo di e buki ta ‘No kere mes’ skirbí pa Denise de Jongh-Rekwest, publika pa Request Publishing.

   Meta di e buki aki ta pa identifica algun parha local cu imagen real di nos tesoronan. Meta secundario ta proteccion di parha. Pa medio di cuenta adicionalmente ta ricibi informacion di caracteristica di e parhanan y sacamento di potret di parha.

   Pastoor Jose Miguel a bendiciona e buki. Madrina tabata Glenda Tromp y padrino Michael Tromp, tur dos ta birders.  Maestro di ceremonia Nurianne Helder a yama tur birders dilanti, Michael y Glenda Tromp, Greg Peterson, Ross Wauben y Dick Rickenga pa ricibi un buki regalo for di autor Denise de Jongh. Michael y Greg tambe a hiba un palabra tocante nos parhanan. Denise a yama tur birders danki pa duna un aporte grandi riba nos planeta, cu ta inspira nos cu bunita potret di parha.

   Tyson Lopez, CEO di Parke Arikok a lesa pida cuenta for di e buki pa invitadonan. Despues colega autor Richard Dabian a entretene publico, grandi y chikِito.

   Request Publishing hunto cu sosten di Divi Impact Foundation pa di 8 aña cu ayudo di Adelin Geerman a haci entrega di buki na tur school basico di SKOA y DPS.  Na final tur mucha a ricibi un buki y cupcake pa bay cas cu ne.

   E buki ta apropia pa lesa pa e mucha for di 5 aña scucha. Un mucha di 9 aña bay ariba lo lesa e buki cu facilidad. E buki ta obtenibel na Papiamento y Ingles (‘Don’t even think about it’) na Plaza Bookshop y De Wit & Van Dorp bookstore.