Cuarto di palo a pega candela net pariba di e cura di Pavilion

Mester a evacua algun hende grandi

ORANJESTAD (AAN):  Diadomingo mainta pa banda di 10 am, Alarm Centrale a haya algun yamada bisando cu habitantenan den vecindario di Pavilion ta mira huma ta sali for di banda pariba di e lugar.

 Mesora a despacha dos unidad di Brandweer, caminda a bin resulta cu net pariba di e cura di Pavilion, un cuarto di palo cu tin pega cu un cas abandona, tabata na candela.

 Mesora a bay over na combati e candela. Mientrastanto e persona di Pavilion, mirando e molester di e huma pa cu e clientenan, a cuminsa cu e trabou di evacuacion, algun ariba nan cama y otro nan den rolstoel.

No ta conoci e causa exacto di e candela, specialmente mirando cu ta trata di un lugar bandona, pero no ta exclui e posibilidad, cu aki ta trata un candela, cu por a origina por medio di adicto(nan) cu por a drenta e cuarto, pa dal nan droga.