Cuarto di palo a kima completamente na Moko

ORANJESTAD (AAN): Diadomingo den ora di merdia, alarma a ser bati na Centro di Alarma, ora hendenan a mira basta huma saliendo den e area di e dam di Moko.

   E huma tabata aglomerando cerca di un cuarto, pero na e momento ey no por a saca afo si ta e cuarto tabata kimando of sushi cerca di esaki ta kima.  Finalmente a bin resulta cu ta cuarto mes tawata na candela.

   Unidad di Bombero di Tanki Flip a yega, y nan a cuminsa mesora cu e trabao di basha awa.  Pa malasuerte, truck di e Autospuit di Bombero a caba y mester a manda un otro truck pa termina e trabao.

   Cu e otro truck, a logra domina e candela por completo.  Na final Bomberonan a controla e cuarto prome cu nan bay, pa check si acaso por tabatin hende of animal aden, pero a haya nada.

   Tur cos a bay perdi den e candela. No ta mucho cla kico por a start e candela.