Cosechanan ta sigui na e hardin di St. Paulus School

ORANJESTAD (AAN): Tres luna despues cu e hardin di fruta y berdura a worde crea na St. Paulus School na San Nicolas, por mira cu cosechanan ta sigui bini uno tras di otro.

   Den fin di siman cu a pasa, DIARIO a haya sa cu keto bay e matanan cu a wordo planta ta sigui crece.  Recien a cosecha Zuchini, y esaki ya a caba.  Ainda tin comcomber y comcomber chikito pero nan ta cabando.

   Segun cabezante di scol a informa, cu cosecha di patia, milon, maishi grandi y berehein ta na caminda.

   Algo cu a observa ta cu awor cu ta vakantie, no tin les, pues e klasnan no ta produci awa di airco.  Pues e hardin cu tur e matanan aki tin di bay custumbra cu menos awa. Awa di yobida no tey mes. Nan tin sistema di Sprinkler instala, y esaki tin cu traha extra den e dianan aki.

   Toch keto bay nan mester di hardinero pa duna un man.  Pasobra ayudo ta semper bon bini.  Contact scol si bo ta interesa pa yuda of kier inverti den e proyecto.