Conocido Castro Perez a baha cu pensioen

ORANJESTAD (AAN): Un di e personanan mas conoci di Santa Rosa y Aruba Tourism Authority,

esta Castro Perez despues di 36 aña di servicio di Gobierno, siman pasa Diabierna a baha cu pension.

   Den un celebracion chikito na "Nos Clubhuis Hadicurari" entre colega, amigo y famianan, a dune e mihor deseonan pa bay goza di su pensioen.

   Minister Ursell Arends tambe tabata presente y a haci entrega di regalo y reconocimento na Castro Perez. sr. Byron Boekhoudt kende ta hefe di seccion di Pesca di Santa Rosa tambe a dirigi palabra y a conta algun anecdota di Castro.

   Algun ex-colega di ATA tambe tabata presente pa celebra e despedida di Castro Perez. Sra Nathalie Maduro director di Santa Rosa tambe a conta algun trayectoria di Castro Perez den e ultimo 13 añanan cu el a forma parti di Santa Rosa.

   DIARIO ta desea amigo Castro, un gozo inmenso di su pensioen.