Colegio San Hose prome yama Sint Jozef school a habri oficialmente dia 11 di Januari 1940 cu bendicion di Pastoor Meesters di Santa Cruz.
Na e inicio e school no por a funciona completamente. E prome y di dos klas mester a keda ainda cerca e soeurnan pa falta di banki cu no a yega na tempo for di Merca.
Por bisa cu dia 22 di januari 1940 Sint Jozefschool, un school pa mucha homber, a cuminsa opera completamente bao di mando di Frere Edwin.
E school a cuminsa cu seis lokaal y ya na 1942 mester a busca mas lugar pa pone alumno. A usa edificio cu tabata un bar pa pone mucha aden pa haya les. Pastoor Meesters tabata masha sceptico ariba e hecho aki y a yega di bisa esaki: “ vroeger wijsheid in de kan, later in de man”
Na final di 1942 a traha 4 lokaal mas y e school a crece te cu 10 lokaal. Na 1945 a bolbe traha dos lokaal mas.
Na 1950 e school tabata conta cu alrededor di 300 mucha homber. Ora cu a traha e school na Paradera na 1951 trece un alivio pa e school y na 1962 cu a traha Sint Jan school na Kadushi Largo tame a duna cierto alivio.
Na 1965 atrobe e school ta bira chikito y mester a usa e localidad di Club Estrella.
Den e prome 25 añanan di e school a traha un total di 75 maestro na e school cu ta inclui juffrouw Wernet ( 14 aña) Juff Wever pa 16 aña, Juffrouw Maduro pa 14 aña. Frere Rafael, Mr Burgos, Antoon y Raymann a traha 12 aña.
Na 1966 Frere Antonius a bira e cabesante di St Jozefschool.
Na 1968/1969 Sint Jozefschool tabata tin dos klas na Club San Martin y dos klas na Trappersclub.
Na 1976 14 di December Sint Jozefschool su nomber ta cambia pa Colegio San Hose.
Den e periodo aki tabata Frere Alexius tabata na cabes di e school.
Prome cu Frere Alexius tabata Guillermo Trinidad cu fungi como cabesante di St Jozefschool. Esaki tabata na 1975.
Diferente alumno a atende Colegio San Hose cu ta inclui Betico Croes y su rumanan homber, pero tambe Nelson Oduber y su rumanan homber. Betico Croes mes a duna les na St. Jozefschool.
Guillermo Trinidad (politico y diputado) tabata un cabesante di e school y Frido Croes ( maestro, parlamentario y minister)tambe tabata un maestro cu a traha na Colegio San Hose.
Na 2020 Colegio San Hose a celebra su di 80 aña di existencia,
Actualmente ta Juffrouw Caster ta e cabesante.
Compila pa Roberto Croes
Nos Historia Nos Herencia
