ORANJESTAD (AAN): Colegio EPI a duna di conoce cu Diaranson 5 februari, cinco (5) studiante di Unit C&T – Opleiding ICT a ser scogi,
pa atende un conferencia cu ta hiba e tema di Cyber Climate Convergence in the Caribbean: A Central Banking Conference. Cuatro (4) di e cinco (5) studiantenan, ta den nan segundo aña di estudio y un (1) studiante ta den e tercer aña.
- Bryson Thiel
- Kumol Telme
- Hezron van der Linde
- Jesus Holguin Cacho 2ndo aña (stagiaire @ CBA)
- Dyllan Rampersaud 3er aña (stagiaire @ CBA)
Presente tambe durante e dia aki tabata sra. Ankie Danker - Directeur EPI, sr. Randy Tromp – Directeur Onderwijs y Sr. Anthony Figaroa – BPV-Coördinator Unit C&T.
Durante e dia aki a presente dies (10) orador di diferente parti mundo, manera Aruba, Astonia, Bahamas, Trinidad & Tobago & USA, a hiba palabra riba diferente topico:
- Srta. Piret Pernik: A Global/International perspective on the convergence of the cyber climate risks
- Srta. Sametria McKiney: Brigding the Storm: Cybersecurity incident response in the era of Climate Change
- Sr. Givan Kolster: Brigding Climate and Cyber Resilience: Lessons
between disaster preparedness and incident
response
- Sr. Juri Nicolaas: From Risk Identification to a National Security Strategy
- Sr. Emanuele Massetti: Resilience in the face of change: Lessons from
Adaptation to Sea-Level Rise
- Srta. Preeya Mohan Access to climate finance in Caribbean SIDS
- Srta. Allison Pytlak Cyber and Climate Security and Synergies
Na final di e dia, sra. Kristel de Nobrega di CBA a sorpresa esnan presente, na momento cu a informa cu e prome video cu a ser pasa na inicio di e conferencia, tabata un video genera door di AI (deep fake) y traha door di e dos studiantenan cu ta haciendo nan pasantia na CBA.
Tambe tur esnan presente a ricibi e buki Dark Machine: How Artificial Intelligence, Digitalization and Automation is Changing our Living Planet di Victor Galaz regaldo y haña e oportunidad di socialisa cu otro.
Colegio EPI, kier gradici Centrale Bank pa e invitacion, atencion y pa brinda nan studiantenan e oportunidad aki.
