CIOS Arnhem cu anochi di Informacion
ORANJESTAD (AAN): Si abo ta un hoben cu ta gusta deporte, bo kier siña mas di sport, y bo gusta organiza eventonan deportivo... y principalmente acaso bo ta interesa pa bira un Instructor di Deporte.
DIARIO tin bon noticia pa bo! Na Hulanda tin ‘CIOS Arnhem’, cu ta un MBO opleiding na Arnhem (cu ta situa na parti pariba di Hulanda, cerca di frontera cu Alemania) y nan ta ofrece Hobennan Arubiano un chens pa sigui desaroya nan mes den esaki. Na e scol aki tin trayecto di 3 aña y tambe tin trayecto di 4 aña.
Si bo kier sa mas, tuma nota cu aki dos siman lo bay tin un ‘Anochi di Informacion’ aki na Aruba mes, organiza pa Aruba Student Living y Sportsz4U Triathlon Academy.
Representantenan di RijnIjsel College/CIOS Arnhem lo ta presente pa duna e presentacion aki. Lo tin oportunidad pa inscribi y tambe haci e sport test. Esaki lo tuma lugar Diabierna dia 10 di Mei 2024 di 6:00 pm te cu 8:00 pm na Stadion Guillermo Trinidad, na e Meeting Room Sport Subsidie Commissie. Esaki ta banda di e CMB Bancomatico band’i pariba di Stadion. Bo mester tin edad di 18 aña bay ariba.
Pero prome cu tur esaki, subi e website aki pa bo yena e formulario y reserva bo luga na e Anochi di Informacion:
Corda inscribi na e website ey, pa asina bo bay scucha kico tur e scol aki tin pa ofrece. Si abo sa di bo yiu cu lo kier bira instructor di Deporte, of cualkier otro persona den famia of na trabao, duna nan e informacion aki pa yuda nan futuro carera.
