“Going the Extra Mile” pa sigura bo smile”
ORANJESTAD (AAN): Guardian Group Fatum, e compania lider di seguro den Caribe Hulandes, ta anuncia cu orguyo su celebracion di 120 aña di existencia. Cu esaki, e compania di seguro ta marca mas cu un siglo di confianza y servicio na su cliente nan. Cu e tema "Going the extra mile" Guardian Group Fatum ta enfatisa su compromiso na participacion comunitario, ofreciendo seguridad financiero solido y productonan amplio di seguro.
For di cuminsamento, Guardian Group Fatum a compromete su mes pa brinda servicio y sosten excepcional na su cliente nan. E tema "Going the XMile" ta papia pa su mes y ta subraya e dedicacion di e compania pa sobrepasa expectativa nan di su cliente nan y haci un impacto positivo y duradero den comunidad. Den un mundo caminda tur hende ta druk cu nan propio bida, Guardian Group Fatum ta traha tempo pa su cliente, socio nan y comunidad.
No awe y ayera so, pero pa 120 aña caba y ainda tin mas pa bay. E compania di seguro sa cu “Live Easy” no ta asina facil. E ta rekeri planificacion, determinacion, trabao duro, y un actitud positivo. P’esei Guardian Group Fatum ta bay e “extra mile” tur dia pa su cliente y socio nan por biba un tiki mas trankil.
Ademas, cu e mensahe aki, Guardian Group Fatum ta encurasha comunidad tambe pa bay e XMile pa y cu otro. Di e forma aki nos ta crea confianza y relacion nan duradero. Demonstrando compromiso y dedicacion na bienestar di otro ta inspira reciprosidad, haci un diferencia positivo impactante den bida di otro y ta crea un contribucion positivo na un mundo cu mas compasion.
“Danki na nos cliente nan cu a sostene nos pa mas cu un siglo. Sin nan sosten, nos lo no por a logra esaki. E resiliencia, dedicacion, y compromiso incansabel di henter nos team di empleado tambe ta sumamenta aprecia y di esnan cu a forma e fundeshi. Cu boso confianza y sosten nos a logra mas cu un siglo di exito.
Mirando pa dilanti, nos ta compromete pa sigui innova, brinda servicio excepcional, y marca un diferencia significante den bida di nos cliente nan y di comunidad.” Di acuerdo cu Diego Fränkel, Director di Guardian Group Fatum.
Como experto ya pa 120 aña, Guardian Group Fatum su maximo deseo ta pa mira comunidad prospera awor y den futuro. P’esei e compania di seguro ta compromete pa sigui bay e XMile cu su variacion extenso di productonan di seguro cu ta yuda e ciudadano proteha su mes di consecuencia financiero den caso di un situacion imprevisto. Esaki ta encera e.o. seguro di bida y/of pensioen cu ta yuda plania pa un futuro financiero sigur y tambe producto di hypotheek cu ta yuda yega na un propio cas.
Ademas, Guardian Group Fatum ta compromete na su responsabilidad social, cu e vision pa sostene sociedad. P’esei e campaña di Kontent’i Mirabo na Curaçao tin un balor special pa e compania. Cu e meta pa contribui na un futuro prospero y mas duradero pa tur hende, Kontent’i Mirabo ta enfoca riba realisa soño y deseonan di otro y pa comparti calor y amor cu otro, no obstante si ta algo chikito of grandi.
Cu esaki, Guardian Group Fatum no ta solamente fortalece su compromiso cu responsabilidad social y su laso cu comunidad, pero tambe ta refleha su balornan nucleo di cuido y compromiso pa otro y integridad.
Mientras Guardian Group Fatum ta mira pa futuro, e compania di seguro ta invita tur cliente, socio y comunidad completo pa join e celebracion di 120 aña di hubileo. Keda pendiente e aña aki pa diferente sorpresa. Paso “Guardian Group Fatum ta bay e XMile pa sigura bo smile.”
