Campaña #SaBoNumber tabata di bishita na Consulado di Colombia

Minister Dangui Oduber

ORANJESTAD (AAN): Diamars 19 juli 2022, Campaña #SaBoNumber tabata di bishita na Consulado di Colombia den celebracion di dia di Independencia di Colombia. Miembronan di Plataforma prevencion den salud: IBiSA, POH y Departamento di Salud Publico a brinda control di numbernan y comparti informacion esencial pa cuido di salud na Consulado señora Mirza Gnecco Plá como embajadora di “Carrera Diplomática y Consular di Colombia”y tur colega y clientenan presente.

   Den cuadro di plan prevencion di salud Minister Oduber lamentablemente no por tabata presente pero lo sigui vocifera pa e campaña SaBoNumber aki keda activo den nos comunidad. E campaña ta pa cada persona pone mas atencion den nan salud y pa educa pa sa nan numbernan, yuda conscientisa den area di prevencion y asina duna aporte na cada persona pa crea mas responsabilidad pa sigui haci nan control pa mehora nan salud.

   Den nomber di Ministerio di Turismo y Salud, nan ta desea un felis dia di Independencia na full e comunidad di Colombia y cu por celebra e aña aki como aniversario 212 yena cu dicha y salud.