Caminda di Turibana a keda completamente cla

ORANJESTAD (AAN): Tanto directiva di DOW, trahadornan di DOW, y automobilistanan ta hopi contento bek.

   Esey ta cu e trabaonan di e caminda di Noord pa Turibana, specificamente Fase 3, Fase 4, y tambe Fase 5 a keda cla.

   E caminda a wordo habri Dialuna mainta, y por a mira cara di sonrisa di chauffeurnan pasando eyriba.

   DOW Social Media a mustra cu nan ta duna danki na tur habitante, y negoshinan cu a duna nan cooperacion durante ehecucion di e proyecto aki.   Aki por mira momento cu nan tabata poniendo e toque final na e caminda aki.