Bureau Traimerdia Aruba y bestuur Sonrisa a firma convenio

ORANJESTAD (AAN): Recientemente Bureau Traimerdia Aruba (BTM) y oudervereniging Sonrisa  a firma un convenio pa un termino di 1 aña.

   Sonrisa ta traha na bienestar di tur persona cu limitacion mental/intelectual, nan mayornan y famia.

   E decision pa firma e convenio aki, tabata uno cu a ricibi cu hopi felicidad cerca e empleadonan  di BTM  y bestuur Sonrisa.

   Durante e firmamento di e convenio, por a conta cu presencia di Señora Marelene van der Linde como  encarga cu maneho di BTM, Señora Natasha Bernabela como voorzitter di Sonrisa, Charlotte Marchena como secretaris.

   Desde 1 october 2009 BTM ta pone algun personal na disposicion di Traimerdia Sonrisa pa asina e muchanan special haya e guia  specificamente den e area.  BTM sigur ta aporta y ta kere den inclusion di tur mucha.