Bunita exhibicion ‘Grounded by Nen’ di domenan miniatura presenta pa Josianne Coutinho

ORANJESTAD (AAN): Siman pasa a tuma luga na Cas di Cultura un exhibicion ‘Grounded by Nen’ cu

a wordo organiza pa e hoben Josianne Coutinho pa exhibi domenan miniatura como muestra con nan lo mustra den size regular.

   Den entrevista cu DIARIO, Josianne a conta di su proyecto di Cas di Torta cu ta trata di sostenibilidad di bida na Aruba, con nos por biba mas sostenibel y ecologico.

   Josianne a introduci un metodo nobo di traha cas cu ta hopi similar na cas di torta pero den forma di dome. E structura di e casnan aki ta uza mesun metodonan pa traha cu tera, klei y nada di cement, hero y otro material. “Mi kier a educa pueblo un tiki mas riba alternativanan caminda por biba den casnan mas sostenibel”, Josianne a expresa.

  E tabata un bunita exhibicion cu hopi creatividad. Varios otro artista local, y tambe studiantenan di La Salle College,  tabata presente na e exhibicion cu nan arte miniatura.