Builders Club Colegio San Antonio tin un directiva nobo

ORANJESTAD (AAN): Aña escolar nobo, nifica cu e organizacion di Builders Club Colegio San Antonio, patrocina pa Kiwanis, tin un directiva nobo.

   President a bira awor Joly Ermstrang.  Como Vice-president tin Jaysi-ann Croes.  Tesorero ta Jaycilianne Franken.  Como Secretaria tin Xixi Quant.  Social Events Director a bira Genelyn Maduro.  Fundraising Events Director a bira Tanusha Gokoel.

   Nan ta gradici e directiva anterior pa nan aporte y dedicacion, incluyendo president anterior Dayenne Croes, y demas miembronan Briannah Arrindell, Dickson Ho, Jayselin Danje, Aliyah Ridderstap, y Esmay Yang.

   Directiva di scol Colegio San Antonio MAVO na Santa Cruz ta desea e directiva nobo tur clase di exito.