BSURE Running Team "trabou den ekipo ta mustra forza"

Cu patrocinio di Caribbean Mercantile Bank N.V.,

ORANJESTAD (AAN): Caribbean Mercantile Bank N.V. (CMB) como banco activo den comunidad apoyando y patrocinando eventonan deportivo entre otro, kier recorda participacion di e ekipo di coredornan forma door di empleadonan di su Insurance Division patrocina pa BSURE Insurance Aruba den e Aruba International Half Marathon 2022. 

E ekipo di BSURE a prepara basta bon danki pa core e evento, y mester bisa tog den bon tempo considerando cu nan ta entrena varios biaha pa siman y ta participa den mas eventonan di coremento hunto. E Aruba International Half Marathon ta un evento popular den nos region cu exigi cierto nivel di disciplina den e deporte di coremento, mirando cu ta inclui factornan manera biento fuerte y un ruta cu tin inclinacion y declinacion considerable. Tur esaki demandando compostura y enfoque di e atleta participante. 

CMB y su Insurance Division kier felicita su empleadonan uni y activo pa participa y completa e reto aki bou nomber di BSURE Insurances. Pabien na boso y sigui cu e entrenamento. Nos lo wak boso riba caminda den futuro eventonan!