Botica di Servicio Eagle ta e prome botica na Aruba cu ta certifica.

ORANJESTAD (AAN): Botica di Servicio Eagle ta e prome den e region di Caribe Hulandes cu a worde otorga e cualificacion di standarisacion mas halto den e industria: certificacion HKZ.

  E certificado a worde ricibi for di e mannan di Minister Dangui Oduber, minister di turismo y salud publico.  Cu e certificacion aki ta posibel pa Aruba por train boticarionan pa bira specialistanan den boticario publico. Minister Endy Croes di educacion y deporte tabata presente pa anuncia elugar di training.

   Botica Eagle recientemente a ricibi e certificacion HKZ (Harmonisatie Kwaliteitsbeoordeling in de Zorgsector) segun normanan di ISO 9001. Danki na e apoyo di partner Hulandes, Service Apotheek, e proceso di certificacion a worde completa cu exito y e botica a bin na remarka pa e certificacion ortoga pa Lloyd. Esaki ta garantisa e calidad y seguridad di servicio di e botica.

   E ta prueba cu e procesonan di Botica di Servicio Eagle ta cumpli cu e normanan di calidad di e HKZ y ta nifica cu e botica tin su asuntonan interno na ordo, e tin e pashent central, por presenta resultadonan confiable y e ta traha continuamente pa mehora cuido.

   Awor, tur aña Botica di Servicio Eagle mester demostra pa medio di “audits” cu e rekisitonan di calidad ta worde manteni. Botica di Servicio Eagle ta e prome botica den Caribe cu e garantia di calidad aki.
   E certificacion aki ta prueba cu e procesonan di Botica di Servicio Eagle ta cumpli cu e normanan di calidad di e HKZ y ta nifica cu e botica tin su asuntonan interno na ordo, e tin e pashent central, por presenta resultadonan confiable y e ta traha continuamente pa mehora cuido.

   Lugar di training: E legislacion Hulandes ta haci un distincion entre farmaceutico basico y farmaceutico publico. Un farmaceutico basico mester completa un curso di 2 aña pa specialisa como un farmaceutico publico. Despues di obtene e certificacion HKZ, Botica di Servicio Eagle por aplica comolugar di training pa e specialisacion di farmaceutico publico. Te awor, e region di Caribe no tin unlugar di training reconoci pa e specialisacion di farmaceutico publico.

   E Arubiano Adrienne Tromp ta e prome boticario cu tin e privilegio di haci uzo di e specialisacion aki.  Cinco aña pasa e’la completa su estudio di boticario y a regresa Aruba sumamente motiva. Na Botica di Servicio, e ta tumando e siguiente paso den su training.

   Boticario publico, Anoeska Wever ta registra na Botica di Servicio Eagle y a sigui e training na Hulanda pa por train farmaceuticonan pa bira farmaceutico publico.

  Botica di Servicio ta sumamente orguyoso di su team y di e logro aki. Cu esaki, Botica di Servicio ta tuma un paso importante pa mehora e seguridad y calidad di e industria farmaceutico na Aruba. Ademas, esaki lo provee e oportunidad pa nos studiantenan sigui un estudio specialisa den farmacia localmente y lo percura pa boticarionan di Aruba den exterior por regresa Aruba mas pronto.