Bon acogida pa vacunathon pa mucha di 5-11 aña na Centro Deportivo Libertador Betico Croes

Un total di 840 mucha a vacuna durante e Vacunathon

ORANJESTAD (AAN) – Manera ta conoci e Vacunathon pa mucha di 5 pa 11 aña haya nan prome dosis di e vacuna di Pfizer, anti-Covid-19 a tuma lugar den Centro Deportivo Libertador Betico Croes, na Santa Cruz, durante diasabra 22 y diadomingo 23 di Januari ultimo.

            Ta mustra cu tabata tin un bon acogida, mayornan a acompaña nan yiunan pa tuma nan prome vacuna, y esaki a trece pa e muchanan y nan mayornan mas trankilidad, teniendo cuenta cu keto bay, e virus tey y cu tin maestro y alumnonan te ainda, cu ta haye. Alomenos e grupo chikito aki a haya nan prome proteccion.

Un total di 840 mucha a vacuna durante e Vacunathon.

            Riba combinacion di potret DIARIO ta presenta algun imagen di e prome vacunathon pa mucha di 5-11 aña.