Beyesa total ora di libera cada Lora bek den naturalesa

ORANJESTAD (AAN): Manera cu DIARIO a trece dilanti caba, siman pasa e prome Yellow-Shouldered Amazon, localmente conoci pa e Lora, a worde reintroduci back den naturalesa di Aruba.

   Un evento yena cu hopi emocion, unda nos rangers, boluntarionan y partners den conservacion di naturalesa por a presencia e realizacion di nan trabao duro. E Lora ta custumando poco poco y ja a worde mira door di rangers di FPNA y tambe personanan cu ta gusta cana den naturalesa.

   Cu e reintroducion di e criaturanan bunita aki, FPNA ta reconoce cu e preservacion di e Lora ta rekeri un esfuerzo colectivo, unda bo compromiso y accion ta crucial pa su conservacion.

   Con abo por yuda? (*) Respeta e Lora y mantene distancia.  (*) Mantene pushi of cacho na un distancia di e Lora.  (*) No cria y tampoco no purba di captura e Lora!  Esaki lo viola e ley cu ta proteha e especie di parha aki.

   Keda vigilante y si mira e Lora, porfabor raporta esaki via Whatsapp na FPNA su Wildlife Hotline na 592-4476 of manda un email na: Cette adresse e-mail est protégée contre les robots spammeurs. Vous devez activer le JavaScript pour la visualiser. y ta bon pa ban tuma accion pa proteha y preserva nos parhanan nativo pa generacionnan binidero

   E potretnan aki pa cortesia di Fundacion Parke Nacional Aruba.