Berry Cius a haya “Juf. Baly Award” como e mihor graduado di Maria College

ORANJESTAD (AAN): Despues di e eventonan di otorgamento di diploma di Filomena College diahuebs y di Colegio San Antonio diadomingo ultimo,

dialuna a toca turno na Maria College pa honra su cincuenta (50) graduadonan cu entregamento di nan diploma.

Como parti di e ceremonia den Marriott su Grand Ballroom, yen yen cu docentenan, miembronan di famia y amistadnan, e mihor graduado di aña escolar 2025 - 2026 a wordo otorga un distincion special den forma di e Juf. Baly Award, cual a wordo institui pa honra e legado di Juffrouw Anuesca Natalie Baly, directora di SKOA for di aña 2018 pa aña 2026 y alavez pa promove excelencia den educacion.

E award ta wordo patrosina pa ASTEC N.V. y e honor a cay pa prome biaha na Berry Cius, kende a asisti na e ceremonia cu varios miembro di famia cu orguyosamente a pose pa un potret cune. E comision encarga cu presentacion di e Juf. Baly Award ta desea Berry hopi exito den su futuro estudio o carera y tin e igual desea pa tur otro graduado. Masha pabien na directora juffrouw Rosenstand, directora suplente juffrouw Croes y docentenan di Maria College pa un evento exitoso yena cu emocion y felicidad.