Barco crusero a trece hopi turista den Oranjestad

ORANJESTAD (AAN): Diaranson mainta pa 8:00 am, e barco Allure of the Seas a drenta Waf di Playa, y pesey mes den oranan di dia por a mira turistanan ta cana den tur skina di ciudad.

   Nan tabata den Tourbus, den Taxi, na pia, riba bicicleta, y canando tur caminda.  E barco Allure of the Seas tin capacidad di riba 5.000 pasahero.  Esey ta un motibo pakico tabatin asina hopi hende riba pia canando tur caminda.

   DIARIO a puntra un taxista, con e dia ta bayendo.  El a djis hisa su dede di druim na halto pa mustra cu e ta positivo.

   Durante lunanan di verano, ta masha poco barco turista ta nabegando den Zuid Caribe.  Como cu mayoria di nan a muda pa bay den zona di Europa, Mediteraneo, of pa haci Alaska Cruise