Ban Move Camp a cuminza cu hopi animo y entusiasmo

Willy Peña, Coordinador:

ORANJESTAD (AAN) – Willy Peña, Coordinador, a duna DIARIO informacion tocante e Ban Move Camp, cu ta tumando lugar den e compleho Deportivo Frans Figaroa, na Noord.

Ban Move Camp a cuminza cu hopi animo y entusiasmo, na unda di dialuna te Diabierna tin diferente deporte cu ta cay bao nomber di ACE y e actividad ta yama “Ban Move Camp”, dirigi na muchanan entre 6 pa 14 aña, parti den grupo.

E siman aki nan tin weganan di baseball, basketball, volleyball, Judo, Taekwondo, y futbol. Cada dia tin alomenos cinco deporte y Diabierna lo clausura cu e slang di Brandweer, cu ta bin muha e muchanan. E proximo siman e evento lo tuma lugar den Centro Deportivo Betico Croes. Inscripcion ta habri, tin un suma razonable mara na dje, y mester trece e carchi AZV di e mucha.