Ayo pato 'Quack Quack': Un habitante stima di Wilhelmina Park

_Storianan di Oranjestad_

Skirbi pa Yorleny Oduber den colaboracion cu Mayo Stoppels 

Den cuadro di e 200 añanan di Oranjestad, no por keda menciona e storia di un residente hopi stima di Wilhelmina Park: e pato 'Quack Quack'. 

E simpatico pato cu bo por a mira regularmente na e parke, tabata conoci pa su manera amigabel di saluda tur hende cu tabata pasa cerca di dje. 

Segun Señor Vasco, un di e hardineronan cu ta duna mantenimento na e parke, 'Quack Quack' tabata bibando eynan pa mas di dies aña. Durante e tempo aki, 'Quack Quack' a conoce tres 'chick', pero ningun di nan a keda mucho tempo cu ne. 

Desafortunadamente, riba diasabra 14 di september, e kerido pato a wordo haya sin bida. Parce cu 'Quack Quack' a fayece di morto natural. 

Su ausencia ta laga sin duda un tristesa na e parke, y den e curason di tur esnan cu tabata conoce su simpatia y alegria. 

Pa honra su memoria, a coloca un plakkaat na e parke, na e luga unda e tabata custumbra di biba, pa recorda nos di e bon 'vibe' di 'Quack Quack', un ser cu pa medio di su simpel presencia, a contagia nos cu su alegria y su amistad sincero.

Ayo 'Quack Quack'. Drumi dushi!