Aumento e biaha aki ta basta drastico

ORANJESTAD (AAN): Diabierna e companianan di Utilidad a despedi di fin di luna,

cu un anuncia cu a laga varios persona hopi desanima.  Prijs di awa ta bay subi cu 32%, y tarifa di coriente ta bay halto cu 23,93%.

   E companianan local a mustra cu nan no por keda absorba e aumentonan drastico di Heavy Fuel Oil mas, y tin di pasa awor e costo pa publico.

   Net awor cu ya caba costo di bida ta na un nivel nunca antes bisto, danki na e pandemia y e actual guera na Ucrania, awor esun aki di awa y coriente ta bay trece mas dolor di cabez pa e famia hala faha mara aun mas.