Asina EPB Oranjestad a despedi di tur su graduadonan

ORANJESTAD (AAN): E ta un momento di emocion, bo ta haya gana di yora,

pero alavez contento cu bo tin un diploma mas den bo man, y bo ta cla pa habri bo halanan y explora mas posibilidad.

   Esey ta exactamente loke bo por mira riba e potretnan aki pa cortesia di EPB Oranjestad.  E ta mustrabo caranan contento di studiantenan, mayornan, y tambe primo y prima kendenan a bay check e resultado di examen.

   Mas cu claro, tanto directornan, y tambe docentenan ta feliz ora cu un studiante ta logra finaliza su estudio.  Bo ta mira asina cu e esfuerzonan haci durante henter aña a produci su fruto.  Tabatin brazamento, gritamento, y otronan a dal un brindis.  Tambe sacamento di potret na cantidad pa asina recorda e momentonan aki.

   Aki DIARIO ta presenta bista di e celebracion fantastico, y asina EPB a despedi di e alumnonan aki cu bon deseo pa mas exito den futuro.