ORANJESTAD (AAN): Na e momentonan aki paisnan rond mundo ta tratando di asegura nan suministro di Gas y Petroleo, debi na cambionan grandi cu ta tumando luga den mercado.
Companianan Petrolero Internacional ta anuncia cu nan ta stop di opera na Rusia y Merca y tambe cu lo stop tur importacion di Gas y Petroleo for di Rusia.
Companianan di Gas di Merca ta esnan cu ta suministrando Europa cu Gas LNG debi cu a reduci importacion di Gas y Petroleo di Rusia. Pregender ta surgi Aruba cu su contract firma cu Eagle LNG, ki garantia tin pa Aruba su suministro di gas y na ki prijs y pa cuanto tempo.
A haci algun investigacion y a bin compronde cu Aruba su suministro di Gas cu Eagle LNG ta garantisa pa un periodo largo y na un prijs mas abao cu mercado. Ademas e duracion di e contract ta coincidi tambe cu e bida operativo di e ekiponan di WEB.
Pues manera cu e situacion di mercado global ta na e momentonan aki e deal di Eagle LNG cu WEB tin gran bentaha pa Aruba pa awo y futuro.
Pa loke ta plan di WEB pa aumenta su uzo di energia renobabel den futuro manera di Solo, Biento y Hydrogene; gas LNG ta e miho fuente di energia cu por combina cu fuentenan renobabel uzando e ekiponan di WEB.
Gas di LNG ta responde miho cu Heavy Fuel oil evitando asina caida di energia na momento cu tin falta di biento of ora cu nubianan cu tapa solo y ta blokia e rayonan pa yega e panelnan.
Lo sigui monitor e desaroyonan di energia di cerca y haci mas averiguacion, prijs y garantia di suministro di energia awo a bira mas importante cu nunca pa stabilidad economico di cualkier pais.
