ORANJESTAD (AAN): Aruba Bank ta invita henter comunidad pa forma parti di POV: MEGA 2026,
un siman yen di oportunidad pa busca bo auto of motorcycle nobo, beneficia di e Aruba Bank MEGA deal y participa den actividadnan divertido, incluyendo e MEGA Golden Car initiative, cu un chens pa gana 500 Florin.
Durante Mega Week, clientenan no tin cu warda te e evento principal pa cuminsa busca nan vehiculo nobo. E 10 car dealers participante ta MEGA ready caba! Clientenan por bishita e dealernan, mira diferente marca y modelo, compara prijsnan, selecta nan vehiculo preferi y cuminsa e proceso pa beneficia di e Aruba Bank MEGA deal.
E gran evento di MEGA lo tuma luga diasabra, 29 di augustus 2026, di 5:00 p.m. pa 9:00 p.m., na Aruba Bank Camacuri. Henter comunidad ta invita pa pasa, disfruta di e ambiente y descubri tur loke POV: MEGA 2026 tin pa ofrece. Mayoria dealer di auto y motorcycle lo ta presente cu nan modelonan mas reciente, ofertanan y opcionnan atractivo.
Como parti di e emocion di Mega Week, Aruba Bank ta introduci e MEGA Golden Car initiative, un manera divertido y facil pa comunidad participa den MEGA 2026 y tin un chens pa gana AWG 500,-.
E dealernan participante lo tin un Golden Car na un lugar visibel. E reto ta simpel: haya e Golden Car, saca un selfie cu ne y post e riba social media. Haciendo esaki, participante ta drenta den e sorteo pa un chens pa gana 00 Florin.
Aplicacion pa e Aruba Bank MEGA deal ta habri desde 14 di augustus, y clientenan a cuminsa bishita e car dealers caba, incluyendo diasabra, pa mira e vehiculonan, compara modelonan y prijsnan, selecta nan auto y cuminsa e proceso pa beneficia di e Aruba Bank MEGA deal.
Un di e beneficionan ta cu clientenan cu cumpra durante e promocion por cumpra awor y cuminsa paga despues di 6 luna, na februari 2027. Beneficionan di POV: MEGA 2026 ta inclui 0% down payment; cumpra awor y cuminsa paga despues di 6 luna; termino di pago te cu 7 aña; seguro cu descuentonan special; aprobacion on-the-spot durante e evento; oportunidad pa gana AWG 10.000,-; interes 5% – 5.25% (efectivo 6.70%–10.83%).
Durante e evento, clientenan por conta cu asistencia personalisa di representantenan di Aruba Bank, kende lo yuda nan cu calculacion y prepara nan aplicacion.
MEGA Day ta mas cu busca un auto. Henter comunidad ta invita pa disfruta di e ambiente. Manera ta costumber, lo tin un Kids Corner cu Dino Jump, Popcorn y Cotton Candy, DJ SKY pa anima tur presente, y bar y cushina bon surti den bon man di Rotaract Club of Aruba.
