Aruba Bank a reconoce empleadonan sobresaliente durante 2024

ORANJESTAD (AAN): Aruba Bank ta orguyoso di comparti su empleadonan cu a destaca durante 2024.

E reconociemento aki ta bay pa e empleadonan sobresaliente cu a demostra servicio excepcional, liderazgo y trabao den ekipo.

   Na Aruba Bank, e empleado ta e motor di e exito. Tur aña, e banco ta honra esnan cu ta bay mas leu pa logra un impacto significativo den nan rol, sea den “back office”, den e “front office” cu clientenan, of den posicionan di liderazgo pa garantiza un servicio sin interrupcion.

   “Back Office Employee of the Year”: Esaki ta Jerushah Donato: Jerushah Donato a demonstra persistencia, eficiencia y excelente habilidad di resolve problema den e operacionnan di Aruba Bank su back-office. Tumando responsabilidad completo di tareanan complica di reconciliacion financiero, Jerushah a mustra un nivel sobresaliente di analisis y automatisacion.

   “Front Office Employee of the Year”: Esaki ta Nathalie Fingal: Compromiso total cu excelencia y servicio na cliente ta loke ta resalta di Nathalie Fingal. Como un persona cu ta soluciona situacion nan dificil proactivo y top performer den e adkisicion di cuentanan nobo. Nathalie su habilidad pa alcansa y sobrepasa metanan ta crea un nivel nobo di expectativa den e front office. Su “time management” excelente, adaptabilidad bou di presion, y su actitud positivo ta asegura un servicio excepcional na clientenan.

   “Front Office Employee of the Year”: Esaki ta Nalisa Yarzagaray: Nalisa Yarzagaray a bin cu iniciativanan nobo den su rol, especialmente den e proceso di giua di empleadonan nobo den su departamento y otro. Su animo pa crea un ambiente di siña y desaroyo a yuda ekipo pa sigui progresando pa brinda servicio superior na tur cliente di Aruba Bank. Ademas di su contribucion den giua, Nalisa a tuma oportunidad di train den e departamento di Money Center, unda el a sobresali y a agrega balor na e departamento. Su pasion y compromiso den trabao di ekipo ta un berdadero ehempel.

  “Manager of the Year”: Esaki ta Lizani Wever: Liderazgo fuerte y determinacion ta locual ta haci Lizani Wever excelente den su rol. Bou di su guia, su ekipo a navega varios reto dificil, cambio economico, y obstaculonan logistico sin perde enfoke riba satisfaccion di cliente. Su habilidad di maneha crisis, inspira responsabilidad, y logra excelencia y fortalece union den ekipo.

   E Departamento di Retail a brinda un servicio excepcional, y a logra subraya retonan grandi. E ekipo a demonstra un determinacion fuerte pa sigui duna excelente satisfaccion na cliente. E esfuerzo colectivo, resiliencia, y compromiso sin igual ta e motibo pa realiza e premio di “Team of the Year 2024”.

Aruba Bank ta felicita tur e ganadornan pa nan contribucion excepcional

.