Aruba Bank a clausura campaña di hipoteca ‘Perfect Pieces, Perfect Mortgage’ exitosamente

ORANJESTAD (AAN): Aruba Bank su campaña di hipoteca, ‘Perfect Pieces, Perfect Mortgage’ ta clausura cu un total di 7 feliz ganador.

Ademas cu e clientenan a logra nan soño di realisa nan propio cas, of a logra haci un “upgrade” na nan cas, nan tambe a gana un di e premionan di e campaña.

   Na luna di april, Aruba Bank a lansa su campaña di hipoteca, 'Perfect Pieces, Perfect Mortgage', y durante un periodo di 3 luna, clientenan por a aplica y ricibi aprobacion pa nan prestamo di hipoteca. Tur cliente cu a ricibi nan aprobacion y a finalisa e proceso di hipoteca durante e periodo di april – juni 2024, automaticamente a participa den e campaña.

   Louis Haayen a gana e premio maximo cual ta un suma di AWG 15,000, Gerick Croes ta e ganador di AWG 10,000.-, y Richard Kelly, William Erasmus, Jessica Teixieira, Dwayne Marchena y Maikel Martis ta e feliz ganadornan di AWG 1,000.-.

   E ganadornan a ricibi tur conseho y guia paso a paso for di nos Mortgage Advisors, y asina a logra realisa nan cas nobo cu un hipoteca di Aruba Bank.
   Aruba Bank ta felicita tur ganador y ta gradici tur cliente cu a aplica durante su campaña, ‘Perfect Pieces, Perfect Mortgage’ pa nan confiansa den Aruba Bank pa yuda nan realisa e cas di nan soño.