Anochi di cualificacion na Curaçao cu accident riba pista

Un saludo cordial na mi lectornan di SPEEDWORLD, un saludo cordial di bo sirbido Hubert Furai Tiel. 

E biaha aki mi ta trece un relato di loke a pasa Diasabra cu a pasa na e pista di Ronde Klip na Curaçao.

   Loke a pasa a keda registra cu e Mazda Protegé di Ru-R.  E vehiculo a accidenta durante e anochi di cualificacion riba pista di Ronde Klip.  Anto net un rato prome, e auto di Iki Curie, cu ta un Toyota Celica, y cu porcierto tabata e unico cu a representa Aruba na e careda aki, yama ‘Pinks Allout’, tambe a hera accidenta.

   Esey ta ora e tabata casi yegando Finish Line, e chauffeur a nota cu su auto a bay den un scual, y a pasa di un banda di lane pa e otro banda.  Bon mes cu e driver a logra scapa e auto.

   Pero esey lamentablemente no por bisa cu esun di Ru-R.  E no tabatin mesun suerte, ya cu na 1/8 mile e auto tambe a bay den un scual, a kentel di banda, pa despues bolter y bay dal den e beton, y pega candela!

   E bon noticia ta cu e driver a logra sali cu bida di e accidente aki.  Debi na esaki, e caredanan e anochi ey a finaliza mas trempan.

  E Team di Jacky Circuit a splica SpeedWorld, cu nan a yama Danki na Dios cu el a proteha e driver Raishel Maduro, cu el a sali sano y salvo for di e accident. Nan ta desea Team di Ru-R forsa y nan ta spera di mira nan pronto bek.