ORANJESTAD (AAN): ELSKA Foundation a prepara “Proyecto Aruba” pa uni diferente comunidad na Aruba, Bonaire, Curaçao, islanan Caribe, Hulanda, Merca y otro.
Un Proyecto cu lo sigi pa 2022 pa asina por logra trece mas conocimiento local y internacional. Y loke ta di gran importancia con mundo lo sigi dilanti pa siguiente decadanan.
ELSKA Foundation ta invita comunidad pa por ta parti di un conferencia online na ingles cu subtitulo na spaño cu lo tuma lugar diahuebs, 4 di November 2021 di 3’or pa 4:30 di atardi, cu un introduccion cuminsando 2:30 di merdia pa Abigaél Arends y clausura 4.30pm pa 5’or di atardi. Mensahe di Abigaél Arends pa lectornan; “Haci loke bo por pa bo pais den e temponan duro aki, no tabata facil e ultimo añanan aki, e tempo aki a siña nos cu nos Capital Humano ta pisa mas cu nos Capital Material. Unda famia, amigo y straño ta uni den tempo di necesidad, unda no tin otro forma pa apoya otro. Unda tin scarsedad di elemento cu tin mester pa recursonan pa sigui biba y mantene un autonomia creciendo, nos ta siña cu tur cos mester ta den balansa.
Pa hopi e movemento aki ta nobo, sinembargo, e ta un movemento cu a cuminsa hopi tempo pasa. Tempo e no tabata wordo reconoci ni promovi, pero un meta comun y anhelo den e curasonnan cu kier un miho mundo. Nos meta ta pa sigui asisti mundo den crea paz y amor dentro di organizacionnan, grupo di entidadnan priva y gubernamental, pa asisti den desaroya idea y causa comun pa un miho fluho di regla, strategia y teniendo na cuenta pa mantene simpel pa e sabiduria y experiencia alcansa tur esnan envolvi. Hopi pelicula tambe video clipnan simpel a wordo traha pa mustra kico amor of cariño kiermen den nos mundo cu simpel actonan di generosidad. Ora e ta bin di curason y no di e ego of obligatoriamente. Nos ta sigui avanza den un mundo caminda nos sa unda nos ta bay pasobra a wordo bisa cu nos, como ser humano ta responsabel pa nos planeta cu yama Terra. Den nos idioma nos ta yam'e Mama Tera.
Esaki ta un seminario gratis y valioso, pa ta parti di e movemento aki di cual e ta forma parti desde cu el a gradua como un Guerero Sin Arma (Warrior Without Weapons) na 2015 y haya e practica den Amazon. Durante e seminario aki, el a topa e Indian asombroso aki cu a reconoce den dje loke ya e tabata sa y por a compronde tur su ponencia nan pa motibo di loke el a studia pa su mes pa hopi aña anterior caba.
"Mi a topa e dama asombroso aki cu a inducimi pa bira miembro di Pachamama Alliance y cu e sabiduria cu nan organizacion a traspasa pa nos a mustra nos con nos lo enfrenta e cambionan di mundo, a pone mi yora durante mitar di e seminario. Y ta desde 2015 cu gobiernonan a cuminsa cu negociacion, cambio, adapta ideanan, y cuminsa plataformanan di inovacion pa hunto trata di salba mundo di e dañonan cu lo bin, manera nos ta experiencia awor rond mundo. E periodo aki den mi bida a, y ainda ta, convencemi cu comunidadnan rond mundo mester uni pa haci lo necesario pa salba e planeta aki, Tera. Realmente mi ta desea pa bo ta parti di e movemento aki y compronde cu nos mester un mundo pa nos tur existi y pa lag'e pa e generacionnan cu lo sigui".
Arends ta sugeri pa haci esaki un proyecto escolar cu envolvimento di gobierno cu lo informa e comunidadnan y invita un variacion grandi di individuonan pa participa.
Ya no ta trata di nos so ...Ta trata di nos tur y hunto…
Pa participan online manda mensahe via medionan social Instagram @elskafoundation @abigaelarends Facebook: ELSKA Foundation, Abigaél Arends of email Cette adresse e-mail est protégée contre les robots spammeurs. Vous devez activer le JavaScript pour la visualiser. bo lo ricibi un link pa bo participa, ultimo dia pa registra ta 3 di November 2021.
