Alumnonan di La Salle College a bay yuda haci beach limpi

ORANJESTAD (AAN): Directorado di La Salle College MAVO ta organizando dianan di haci limpi na beach pa alumnonan.

   Diabierna cu a pasa, tabatin “Beach Cleaning” na Rincon Beach (Grapefield) pa e alumnonan di Ciclo Basico 2.

   Nan a yega trempan cu nan handschoen y material pa asina a pasa recoge tur sushedad cu nan por a topa cu ne riba beach y mey-mey di e matanan.  E tabata un satisfaccion enorme pa mira nan haci e trabao aki cu tabata hopi duro, special riba santo blanco.

   Despues na final, tur a haya forma pa refresca nan curpa, incluyendo patia y mas.

   Diaranson awor ta turno di alumnonan di Ciclo Basico 1, y nan lo bay ta haciendo limpi na Baby Beach.  Nan ta gradici Aruba Tourism Authority y Ban Serio Aruba pa haci esaki posibel.