Acto Protocolar riba Dia di Rey na Wilhelmina Park

ORANJESTAD (AAN): Diaranson mainta a tuma lugar ceremonianan relaciona cu observacion di Dia di Rey, na Wilhelmina Park na Playa.

   Tanto Ministro como Parlamentarionan tabata presente na e ocasion aki, y por a mira miembronan di Marina Real, como tambe Gruponan Hubenil uniforma.

   E ceremonia protocolar a cuminza cu inspeccion di Guardia di Honor forma pa miembronan di Marina Real, y e Bandera di Reino y Aruba a wordo presenta pa Marina Real.  Posteriormente e Himno di Reino y di Aruba a wordo presenta pa Marina Real.

   Despues di esey a sigui discurso di President di Parlamento, Edgard Vrolijk.  Despues tabatin discurso di Gobernador Alfonso Boekhoudt.

   Despues di esey a sigui cu presentacion di grupo Pierewietje cu e baile di ‘Fiesta di Color’.  Tambe tabatin canto di ‘Op een onbewoond eiland’, y baile di Fit Top Tien.

   Despues na final, a haci entrega di Copa Hubenil Gobernador Felipe B. Tromp, y asina  yega na final.  Despues a sigui cu desfile di gruponan uniforma riba Lloyd G. Smith Boulevard.