A organisa un anochi informativo tocante e riesgo di caida den casnan di cuido

ORANJESTAD (AAN): Dorylee Pappers-Lopez Peña ta Inspector General di Inspectie Volksgezonheid a laga sa cu a organisa un anochi informativo cu e casnan di cuido pa duna nan informacion riba e riesgo di caida den un cas di cuido.

A presenta un formulario pa por registr'e y asina por purba yega na e datonan necesario. Como Inspectie ta haci e trabao di control den e casnan di cuido y ta wak si tin necesidad pa raporta y esey ta e motibo pa e anochi aki.

Pappers-Lopez Peña a agrega cu tambe tabata tin docternan y otro expertonan cu a duna informacion na e casnan di cuido pa por preveni caidanan y duna e clientenan un mihor calidad.

E mensahe cu a wordo suministra ta kico por haci, con ta midi un persona su risico tambe. Nan a splica tambe riba cuido di e grandinan, a splica.

Segun e inspector general di IVA e tipo di charlanan aki ta bay continua hunto cu tur stakeholders manera docternan, fisioterapistanan, entre otro. E profesionalnan aki ta traha hunto ora cu algo pasa. Nan ta traha den un manera interdisciplinario unda nan ta comunica cu otro.

Esaki ta un di e prome anochinan y Inspectie ta wak tambe henter e tereno di cuido unda cu otro topiconan tambe ta di hopi importancia pa trece dilanti, a bisa.