Vice Presidente di ARTBO a entrega reconocimento na Master Eric Barry

ORANJESTAD (AAN): Vice Presidente Master Nurberto Tromp di Aruba Taekwondo Federation a entrega Master Eric Barry

un reconocimento den nomber di Brazil Taekwondo Stichting. Aracari Taekwondo Cup 2026 tabata na honor di Master Eric Barry.

Master Eric Barry tin mas di 30 aña ta fungi como referee Nacional y Internacional y el a wordo honra Diasabra den presencia di miembro di ARTBO, invitadonan special y publico.

Master Eric Barry a duna di conoce cu e ta hopi contento cu e gesto y e lo keda fungi como Referee Internacional pa 2026, despues e ta traha espacio pa e hobennan cu ta den proceso pa bira referee Internacional di ARTBO.

Master Eric Barry a tuma e tempo pa wak cada parti di Taekwondo y a scoge e miho Poomsae den nomber di Srta. Allison Pava Escobar di Estrella Taekwondo & Martial Arts Foundation y Antontio Estillore di Estrella Taekwondo & Martial Arts Foundation pa e miho kibramento di tabla.

Master Eric Barry a gradici tur presente pa nan sosten na Taekwondo.